მიმდინარეობს ვებგვერდის განახლება
სიახლე
იდეიდან შედეგამდე – „ძველი ნივთების მწვანე სიცოცხლე“
ბათუმის სამედიცინო აკადემიაში გაიმართა სტარტაპ კვირეულის „ძველი ნივთების მწვანე სიცოცხლე“ შემაჯამებელი შეხვედრა, სადაც მონაწილეებმა წარადგინეს, როგორ განახორციელეს კონკურსში გამარჯვებული იდეები და რა შედეგები მიიღეს.
პროექტის ფარგლებში ძველ და გამოუსადეგარ ნივთებს ახალი დანიშნულება მიენიჭა. მონაწილეთა ინიციატივით გადამუშავებული მასალების გამოყენებით მოეწყო აკადემიის აივანი და მოსასვენებელი სივრცე, რომელიც დღეს უკვე სტუდენტებისა და თანამშრომლებისთვის სასიამოვნო და ეკომეგობრულ გარემოს ქმნის.
შემაჯამებელ შეხვედრაზე გუნდებმა საკუთარი გამოცდილება, განხორციელებული სამუშაოები და მიღწეული შედეგები აუდიტორიას გაუზიარეს.
- გამარჯვებული გუნდები:
- „ლავანდა“
„Silent Innovators“
მადლობას ვუხდით CENN-ს მხარდაჭერისთვის. პროექტი განხორციელდა ევროკავშირის მიერ დაფინანსებული პროექტის „ცირკულარული ქალაქები და რეგიონები საქართველოში“ ფარგლებში და კიდევ ერთხელ გვაჩვენა, რომ ინოვაციური იდეები, გუნდური მუშაობა და გარემოზე ზრუნვა რეალურ ცვლილებებს ქმნის.
